Г. М. Дулатованың “Алаштың сөнбес жұлдыздары” атты кітабы – әдебиеттің естелік-эссе жанрында жазылған ерекше дүние. Олай дейтін себебіміз, кітап авторы Г. Дулатова – Алаштың арыстарын көзі көрген арамыздағы жалғыз жан. Сонымен бірге қазақтың арыс ұлдарының бірі Міржақып Дулатовтың жалғыз қызы.Кітапта Алаш арыстарының көсемі Әлихан Бөкейхановтан бастап, Ахмет Байтұрсынов, Жүсіпбек Аймауытов, Мағжан Жұмабаев және т.б. қазақтың зиялы қауымының өнегелі өмірлері мен істеген қызметтері, кейінгі қилы-қилы тағдырлары жүйелі түрде жатық тілмен баяндалған.

Сонымен қатар кітапта Г. Дулатованың өз өмірінің де сан-салалы тұстары шынайы шындықпен парақталған.