Үшiншi томға Мiржақып Дулатұлының 1920–1929 жылдар аралығындағы мерзiмдi баспасөзде жарық көрген еңбектерi енгiзiлдi.
Өткен ғасырдың сонау алғашқы жылдарындағы жас талап ауыл мұғалiмдерiнен Алаштың атпал азаматы болып қалыптасқанға дейiнгi Мiржақып Дулатұлының бүкiл өмiрiне азық болған бiр ғана мақсат, бiр ғана уайым болды. Ол – туған халқының тағдыры.
Кезекті томға беташар ретінде тұңғыш рет жарияланып отырған Міржақыптың “Ұрпаққа хатының” “бісмілләсі” де осыдан басталды.
“Қазақ тілінде басылған кітаптар көрсеткішінің” екі бөлімі де осы томға берілді.