Бұл томға Мiржақып Дулатұлының ағартушылық бағыттағы еңбектерi, көпжылдық мұғалiмдiк тәжiрибесi негiзiнде жазылған оқу құралдары, оның журналистiк қызметiнде маңызды орын алатын тұрақты тақырыптардың бiрi – денсаулық сақтау мәселесiне байланысты шығармалары мен нақты кеңестерi, балаларға арналған шағын да болса тәрбиелiк мәнi зор еңбектерi енгiзiлген. Бұлардың бәрi де Алаш ардағының бұдан бұрынғы томдарына кiрген көркем шығармалары мен көсемсөз үлгiлерiнiң қисынды жалғасы, автордың жанкештi қайраткерлiк және әсiресе ұлағатты ұстаздық қызметiнiң айқын дәлелi.
Міржақып Дулатұлының әр кезеңдегі бұл өмір деректеріне толы еңбектері зердемізді нақты мағлұматтармен толықтыратын құнды ақпарат көзі деп бағалауға болады.