Қайым Мұхамедханов: библиографиялық көрсеткіш = Каюм Мухамедханов: библиографический указатель. – Алматы: «Мектеп», 2020. – 274 б. – қазақ, орыс тілдерінде.

Ғалым, педагог, ақын, драматург, ҚР Мемлекеттік сыйлығының лауреаты Қайым Мұхамедханов еңбектерінің көрсеткіші – бұл ғалым зерттеулерінің бағыт-бағдарын бірізге түсіріп, жүйелеуге жасалған алғашқы қадам, сонымен бірге, бүгінгі күні анықталған еңбектерімен таныстыру мақсатындағы еңбек. Ғалымның қолжазба мұрасы мен құнды кемел мұрағаты әлі де зерттеуді және ғылыми сипаттама жасауды талап етеді. «Алдымда ақын Абай – Темірқазық», «Ер қазақ ежелден еркіндік аңсаған», «Алаш идеялары» – ғалымның өмірі мен ғылыми жолындағы темірқазық іспетті. Көрсеткіш Қ.Мұхамедханов шығармашылығын терең тануға және ғалымның ел тарихы мен мәдениеті жайындағы құнды еңбектерін зерттеуге мүдделі баршаға пайдалы.