«Жетінші сөз» сериясымен Қазақстан халықтарының тарихы, әдебиеті және мәдениеті жайында түрлі тақырыпта кітаптар жарық көреді. Ұсынылып отырған басылым – қазақ халқының эпостық мұраларының озық үлгісі. «Қыз Жібек» поэмасы жоғары поэтикалық көркедігімен, формасының кемелдігімен ерекшеленеді.

Қазақ фольклорының бірегей ескерткіші саналатын бұл лиро-эпостық поэма туралы кезінде Мұхтар Әуезов жазып, оның сюжеттік және образдық құрылымы жайында сындарлы ой айтқан болатын. Бұрындары жарық көрген бұл мақала қалың оқырманға таныс болмағандықтан, басылымда алғы сөз ретінде беріліп отыр.

Басылым оқырмандары өз мәдениетінің бастауларын танып-білуге бір қадам жақындата түспек.